Kronikë

Gjirokastër/ Zjarri përfshin banesën në lagjen 'Palorto', shkak dyshohen skorjet e oxhakut të papastruar prej vitesh

Ngjarja ka ndodhur rreth orës 20:00, kur zjarrfikësit u njoftuan për flakët e pikasura në oxhakun e banesës. Nga këqyrja paraprake u konstatua se vatra e zjarrit ishte në oxhak, ku dyshohet se është shkaktuar nga skorjet

4 Janar, 20:51| Përditesimi: 4 Janar, 21:01

  • Share

Gjirokastër- Një zjarr ka rënë mbrëmjen e sotme (4 Janar) në një banesë në lagjen ‘Palorto’ të Gjirokastrës.

Ngjarja ka ndodhur rreth orës 20:00, kur zjarrfikësit u njoftuan për flakët e pikasura në oxhakun e banesës. Pas lokalizimit të vatrës, ata bënë edhe shuarjen e flakëve, duke mos lejuar përhapjen e tyre deri në pjesë të tjera të shtëpisë.

Nga këqyrja paraprake u konstatua se vatra e zjarrit ishte në oxhak, ku dyshohet se është shkaktuar nga skorjet e oxhakut që kishte vite pa u pastruar.

Gazetari i Report TV, Piro Nase, informon se Policia dhe Zjarrfikësit po vijojnë verifikimet në vendngjarje, teksa nuk ka pasur dëme serioze apo të lënduar në njerëz.

A.Q/r.k./ReportTv.al
Komento

Komente

  • Sondazhi i ditës:

    Si iu duket trafiku rrugor në Shqipëri?