Gjirokastër- Një 35-vjeçar nga Maqedonia e Veriut është marrë nën akuzë si i dyshuar për trafik të mjeteve motorike.
Specialistët për Hetimin e Trafiqeve dhe Narkotikëve e proceduan E. M., 35 vjeç, banues në Shkup, pasi ditën e djeshme (26 maj), në Kakavijë, gjatë hyrjes për në territorin e Shqipërisë, nga verifikimet në sistem ka rezultuar se “automjeti që përdorte ishte i trafikuar nga Italia”.
“Automjeti është sekuestruar në cilësinë e provës materiale”, bëri me dije policia vendore për rastin, kurse dosja i ka kaluar Prokurorisë për veprime të mëtejshme.
Gjithashtu zyra për Hetimin e Krimeve të Komisariatit referuan materialet dhe shpallën në kërkim policor D. C., 65 vjeç, banues në Gjirokastër, pasi në banesën e tij janë konstatuar punime ndërtimi të kryera pa lejen e organeve kompetente.
Gjithashtu nën akuzë u mor edhe 24-vjeçari A.N., nga Saranda, për shkelje të rregullave të qarkullimit rrugor, pasi ditën e djeshme shkaktoi aksident në hyrje të qytetit të Memaliajt.
Komente
