Policia dhe Inspektoriati i Mbrojtjes së Territorit vijon me gjobitjen e subjekteve që ndotin mjedisin apo lumenjtë, por nuk jep asnjë informacion se kush do të bëjë pastrimin. Një pyetje që Report TV e ka ngritur vazhdimisht në vëzhgimet e bërë në brigjet e lumenjve.
Ditën e sotme janë vendosur gjobë për 10 subjekte, të cilat kanë ndotur lumin Erzen, duke konstatuar shkarkimin e ujërave të ndotura në lumë.
Ndaj këtyre subjekteve IKMT ka marrë masë administrative me gjobë 2 milion lekë për secilin.
Report Tv ka denoncuar situatën e rëndë, ndërsa pas kronikave se basenet e lumit Tirana, Ishëm, përroit të Arbanës që ishin mbushur me mbetje spitalore, plastikë dhe inerte, prokuroria e Tiranës nisi hetimin dhe kërkoi me shkresë urgjente nga pushteti lokal përgjigje.
