Ministrja e Drejtësisë, Etilda Gjonaj ka zhvilluar një vizitë pune në Itali, ku ka zhvilluar takime me përfaqësues të ligjit dhe drejtësisë. Në fokus të takimeve kanë qenë ekstradimet mes dy vendeve si dhe zbatimi i regjimit të posaçëm '41-bis'.
Gjonaj ka qenë e ftuar edhe në aktivitetin festivali "Gazetarët e Mesdheut", ku ka qenë e shoqëruar edhe nga magjistrati Feancesco Mandoi. Aktiviteti ka pasur në fokus krizën e refugjatëve, ngrohjen globale dhe fake news.
Gjatë vizitës së punës në Itali, Gjonaj është takuar edhe me ministrin italian për rajonin e Jugut, Giuseppe Provenzano dhe kreun e bashkisë së Otrantos, Pierpaolo Caridi, me të cilët pozuan edhe pranë anijes shqiptare "Kateri i Radës" e cila u mbyt në kanalin e Otrantos në mars të vitit 1997 duke i marrë jetën 81 personave.
Anija 'Kateri i Radës' ndodhet në Otranto, e cila mbahet aty si kujtesë e një prej tragjedive më të rënda të tranzicionit shqiptar.
Komente
Kjo është ministërja më punëtore dhe e devotshme në Min.e drejtësis. Një bravo të madhe për ju zonjë.
Përgjigju