Kryekomisioneri Ilirjan Celibashi tha me humor sot se “liderët e partive të mëdha politike nuk e dëgjonin”, në lidhje me gjuhën që po përdorin në fushatën elektorale për zgjedhjet e 11 majit.
Teksa u pyet nga gazetarët me ecurinë dhe problematikat e fushatës elektorale, një prej shqetësimeve ishte edhe ‘leksikografia e pasur’ e politikanëve.
“Çfarë të them, të them se ata nuk dëgjojnë? Nuk mund të bëjmë më shumë se sa kemi bërë dhe thënë në lidhje me këtë çështje. Në eksperienca të tilla të ngjashme, me aq sa kam njohur, në fakt janë votuesit që e japin vlerësimin dhe gjykimin, në çdo mënyrë të të bërit të fushatës elektorale, në atë që ke bërë apo nuk ke bërë, janë ata që e japin mendimin, se si flet një politikan apo një tjetër”, komentoi kryekomisioneri.
Lajmi kryesor:
Kontrata e lobimit e PD/ Celibashi: Ende nuk është depozituar në KQZ, ja kur mbaron afati për dorëzimin! Do flasim vetëm pasi të vijë
A.Q/r.k./ReportTv.al