Sot gjykata u kanë dhënë mandatet tre kryebashkiakëve të rinj, Beratit, Dibrës dhe Bulqizës. Gjykata e Beratit i ka dhënë mandatit kryebashkiakut të këtij qyteti të dalë nga zgjedhjet e 30 qershorit, Ervin Demo. Ish zv/ministri i arsimit ishte në garë në zgjedhjet e 30 qershorit me kandidatin e Bindjes Demokratike, Pavlo Shkarpën dhe Plarent Aleksin, kandidat i pavarur.
Ndërkohë që po sot gjykata u ka dhënë mandatet Dionis Imerajt për Bashkinë Dibër dhe Lefter Allën për Bashkinë Bulqizë. Tashmë pritet miratimi i mandateve për Këshillat Bashkiak e më pas këta të fundit të bëjnë konstituimin për t'ju dhënë mundësinë kryetarëve të dalë nga 30 Qershori të nisin zyrtarisht detyrën.
Kujtojmë se pas zgjedhjeve të 30 qershorit dhe pas certifikimit nga Komisioni Qendror i Zgjedhjeve të rezultateve, të gjithë kryebashkiakët e rinj kanë depozituar kërkesat në gjykatë për të marrë mandatet. Sipas ligjit është gjykata shkalla e fundit që u jep mandatin fituesve duke i zyrtarizuar në drejtimin e njësive të qeverisjes vendore.
Komente
