Gjykata e Lartë ka zgjedhur anëtarin e nëntë të Gjykatës Kushtetuese. Holta Zaçaj do të zëvendësojë Vitore Tushën të cilës i ka përfunduar mandati. Pas përfundimit të procesit të votimit, Holta Zaçaj dhe kandidatja Elsa Miha siguruan të dyja nga 6 vota. Ndërsa 3 vota u shpallën të pavlefshme. Në këto kushte kandidati i renditur i pari nga Këshilli i Emërimeve në Drejtësi, konsiderohet i zgjedhur.
Në këto kushte, Mbledhja e Posaçme e gjyqtarëve të Gjykatës së Lartë vendosi që Holta Zaçaj zgjidhet anëtare e Gjykatës Kushtetuese.
Vendimi i njoftohet menjëherë institucioneve më të larta të vendit Kryetarit të Kuvendit, Presidentit të Republikës, Kryetarit të Gjykatës Kushtetuese dhe i dërgohet për botim Qendrës së Publikimeve Zyrtare.
Holta Zaçaj, anëtare e Gjykatës Kushtetuese
Komento
