Një gjykata greke ditën e sotme do të shqyrtojë dënimet deri në 15 vjet burg kundër anëtarëve kryesorë të Agimit të Artë, gati një javë pas dënimit të tyre në një gjyq historik.
Prokurori do të propozojë dënime për më shumë se 50 anëtarët e partisë të shpallur fajtor javën e kaluar, duke përfshirë liderin Nikos Michaloliakos dhe rrethin e tij të ngushtë. Propozimi do të debatohet nga një panel prej tre gjyqtarësh, dhe vendimet priten të jepen të enjten.
Gjyqi ndaj Agimit të Artë është përshkruar si një nga më të rëndësishmit në historinë politike të Greqisë. Më shumë se 50 të pandehur u dënuan për krime duke filluar nga drejtimi i një organizate kriminale, vrasje dhe sulm e deri në posedim të paligjshëm të armëve.
Krimet e kryera nga Agimi i Artë përfshijnë vrasjen e reperit antifashist Pavlos Fyssas, rrahjen e peshkatarëve egjiptianë në 2012 dhe sindikalistëve komunistë në 2013.
