Kryeministri Edi Rama iu bën thirrje prindërve demokratë që të mendojnë për fëmijët e tyre evropiane kur të votojnë në zgjedhjet e 11 Majit. Në një postim në Facebook, kreu i qeverisë shprehet se është gjynah që vota t’i jepet ‘kënetës’ apo të çohet dëm.
Ai thotë se, ndonëse është e vështirë për një demokrat, ai duhet të mendojë për fëmijët dhe të votojë për PS.
"NJË PRIND DEMOKRAT NË 11 MAJ MUND:
Ta hedhë votën në kënetë! Kot. Gjynah.
Ta hedhë votën në ndonjë nga ato moçalet e reja plot me kushërinj të kënetës. Kot. Gjynah.
Të mos e hedhë askund. Gjynah edhe kjo, po gjysma e të keqes.
OSE pastaj mund të bëjë gjënë e duhur, për vete dhe Shqipërinë:
Të mbyllë sytë, e ta hedhë në kutinë 5, ku jam unë dhe PS
E di që s’është ndonjë kënaqësi e madhe për një demokrat. Por ama është një kontribut dhe përfitim i madh, sepse:
1) Nuk e çon votën kot po e jep për të fuqizuar Shqipërinë në negociatat me Bashkimin Europian.
2) U jep fëmijëve të vet pashaportën europiane të Shqipërisë 2030 në BE”, shkruan kryeministri.
Komente
