GJERMANI - Raportohet për të paktën tre të plagosur jashtë gjykatës në qytetin e Bielefeldit në Gjermani këtë të mërkurë (26 shkurt), ku u mbajt seanca gjyqësore për vrasjen e boksierit shqiptar Besar Nimani, i vrarë në datën 9 mars 2024 në qytetin e Bielefeldit. Huseyin Akkurt po gjykohet për vrasjen e Nimanit.
Të shtënat nisën rreth orës 13:30 me kohë lokale, pas përfundimit të seancës të së mërkurën. Raportohet se tre plumba u shkrepën 150 metra larg gjykatës. Gazeta gjermane “Bild” raporton se të paktën dy pjesëtarë të familjes së të akuzuarit u qëlluan, njëri prej tyre u plagos në këmbë e tjetri në gjoks dhe është në gjendje të rëndë. Ndërkohë gazeta “Neue Westfalische” raporton për të paktën tre të plagosur.
Raportohet se një nga të dyshuarit për sulmin e të mërkurës është arrestuar, ndërsa një tjetër është në arrati.
Arrestimi i autorit të dyshuar të të shtënave
Seanca e të mërkurës nisi në ora 9:00. Hyseyin Akkurt po akuzohet për vrasjen e Nimanit më 9 mars të vitit të kaluar. Ai u arrestua në qershor të vitit të kaluar në Bruksel.
Dyshohet se ai së bashku me Aymand Dawoud Kirit (33), që është në arrati, e vranë Nimanin në Bielefeld. Ata shkrepën 16 plumba në drejtim të boksierit shqiptar që vdiq në vendin e ngjarjes.
Besar Nimani dhe vendi i vrasjes
Hüseyin Akkurt, njëri nga vrasësit e dyshuar
Komente
Po zbatonkan kanunin ne Gjermani, bravo.
PërgjigjuNuk ta fal kush gjakun ku do qete jete mbrenda vendor dhe jasht vendit