TIRANE-Gjyqtarja e Gjykatës së kryeqytetit, Manjola Xhaxho ka kaluar Komisionin e Pavarur të Kualifikimit (vettingun) duke u rikonfirmuar në detyrë. Pas shqyrtimit të dosjes, trupa e Komisionit të Pavarur të Kualifikimit vendosi që ta rikonfirmojë në detyrë gjyqtaren, e cila është kandidate për Këshillin e Lartë Gjyqësor.
Nga hetimi i plotë për vlerësimin e pasurisë rezultoi se gjyqtarja ka apartament 2+1 në pronësi të prindërve. Gjyqtarja nuk ka pasuri tjetër, pra jeton me prindërit. Nga drejtoria e informacionit të klasifikuar rezulton e pastër, ndërsa KLD solli vlerësim që është e aftë profesionalisht.
Xhaxho e ka filluar karrierën në vitin 2002 si gjyqtare në Gjykatën e Tiranës, pozicion të cilin e mban edhe sot. Ajo ka ushtruar për tre vjet edhe detyrën e këshilltares ligjore në Gjykatë të Lartë.
Rezultatet e vettingut deri tani
Fatos Lulo-i shkarkuar
Besim Treshnjeza-i shkarkuar
Besa Nikëhasani-e shkarkuar
Altina Xhoxhaj-e shkarkuar
Vitore Tusha-e kaloi
Fatjona Memçaj-e kaloi
Fatmir Hoxha-i shkarkuar
Manjola Xhaxho- e kaloi