"Një komplot është bere nga mafia ndërkombëtare ndaj meje", - deklaronte dje Berisha.
Ne mendje me erdhi një episod i gjimnazit. Kishim një shok ne qe apartamentin e kishte bosh nga ora 7 e mëngjesit deri ne orën 5 pasdite.
E te apartamenti këtij ne organizoheshim kur dëshironim te kalonim momente ilegale intime me ndonjë mikeshe moshatare.
Vetëm se kishte një detaj.
Here pas here ne apartament këtij i vinte dhe gjyshi (qe jetonte ne shtëpi përdhese pak me tutje); mirëpo gjyshi vinte aty sepse këta kishin DVD ne sallonin e shtëpisë dhe gjyshi shikonte filmat e soc-realizmit.
Gjyshi ishte si nipi vet, doç, ishte sqaruar me kohe se ajo dhoma ne fund fare do përdorej nga rrethi jone paraditeve, e i kishte thënë nipit "unë do jem ne sallon, s'kam pune andej bëni ç’të doni".
E kështu na ndodhte qe ndërsa shijonim oazin e moshës te kyçur ne dhome, ne sfond dëgjoheshin këto sekuencat filmike te tipit "Para partizaaane, urraaaa", se gjyshi kishte dhe probleme me dëgjimin i varfri dhe e çonte volumin e TV ne maksimum.
Sfondi i filmave me partizane krijonte idenë se ne atë apartament luftohej ne çdo front. Bam ne andej nga dhoma, bam dhe gjyshi ne sallon.
E kur pyeste ndonjëra "uaa kush është andej?", përgjigja ishte standarde: Është gjyshi qe po lufton me forcat okupatore.
Pak a shume kështu dhe muhabeti i gjysh Berishës, ai vazhdon ne sfond luftën e paepur me mafian ndërkombëtare, e ne vazhdojmë programin tone.
Komente
Hahaaaaaassss
Përgjigju