Gjyshja britanike që u përpoq të kontrabandonte tre migrantë shqiptarë në Britaninë e Madhe, duke i fshehur në bagazhin e makinës së saj pasi ajo u tundua nga paratë, do t’i kalojë Krishtlindjet në burg.
Jackie Willis, 53 vjeçe nga Feltham, në Londrën Perëndimore, u kap nga policia britanike teksa po tentonte të kontrabandonte tre emigrantë shqiptarë, të cilët i kishin ofruar asaj 3000 euro.
Arrestimi i gruas u bë në Dover, përgjatë Eurotunelit që lidh portin e Calaise, mes Francës dhe Anglisë.
Avokati i të akuzuarës, Isabelle Pauwels deklaroi para trupit gjykues se gruaja ishte tunduar nga paratë që i kishin dhënë shqiptarët.
'Asaj i vjen keq për atë që bëri dhe e ka pranuar fajin”, - shtoi avokati
Jackie Willis, pas një viti burg që i duhet të kryej, është ndaluar nga gjykata që të mos udhëtojë për në Francë përgjatë dy viteve të ardhshme.
Komente
