Një 39-vjeçar është marrë në hetim në gjendje të lirë, pasi goditi me grushte një person dhe nuk iu bind urdhrit të policisë për shoqërim.
Ngjarja ka ndodhur në Bulevardin e Kasharit, ku i dyshuari, shtetasi M. H., 39 vjeç, ka ushtruar dhunë fizike ndaj një personi të moshës së njëjtë me të.
"Specialistët për Hetimin e Krimeve të Komisariatit të Policisë Nr. 6 referuan materialet në Prokurori, ku nisi procedimi në gjendje të lirë për shtetasin M. H., 39 vjeç, pasi në Bulevardin e Kasharit, ka goditur me grushte një 39-vjeçar, si dhe nuk i është bindur urdhërit të punonjësit të policisë për shoqërimin e tij".-thuhet në njoftimin zyrtar të policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë për veprime të mëtejshme procedurale.
Komente
