Sadio Mane ka folur për herë të parë për grushtin e bujshëm në fyryrë që i dha shokut të tij të skuadrës te Bayern Munich, Leroy Sane, në tunelin e dhomës së zhveshjes pas humbjes në ndeshjen e Ligës së Kampionëve kundër Manchester Cityt.
Senegalezi pohoi se këto janë gjëra që ndodhin në futboll, por pranon se e ka menaxhuar shumë keq situatën.
"Kjo lloj gjëje mund të ndodhë. Ndodhi dhe ne ishim në gjendje ta rregullonim. Është mirë të zgjidhen problemet, por jo në këtë mënyrë. Ka mbaruar tani. Ne do të përpiqemi të 'luftojmë' së bashku për të ndihmuar klubin të arrijë objektivat e tij sezonin e ardhshëm. Tani jam me pushime me familjen. Ka qenë një sezon shumë i veshtirë, ashtu siç ndodh. Nuk ishte surprizë, prisja që gjërat të ishin pak të komplikuara, është normale. I dua sfidat dhe Bayerni është një sfidë e madhe, më takon mua të bëj gjithçka për t'u përballur me to”, tha Mane.
Përveç kësaj, Mane ka përjashtuar një largim të mundshëm këtë verë, teksa nuk kanë munguar ofertat nga Arabia Saudite.
