Paulo Dybala do qëndrojë për të paktën një muaj jashtë. Roma ka konfirmuar se sulmuesi ka një dëmtim muskulor në kofshën e majtë, çka do të thotë se e ka mbyllur me futbollin e luajtur në Serie A për këtë vit. Në ankth edhe Argjentina para Kupës së Botës, me sulmuesin që ende nuk e di nëse rikuperimi do jetë i mjaftueshëm para datës 15 nëntor.
Në fitoren e fundit 2-1 me Lecce, Dybala shënoi nga pika e bardhë e penalltisë duke u dëmtuar gjatë ekzekutimit. Tanimë sulmuesi i është nënshtruar rikuperimit, ndërsa për dy javë do i nënshtrohet të tjera kontrolleve për të mësuar nëse mund të bashkohet në stërvitje me Romën dhe më pas me Argjentinën në Kupën e Botës që zhvillohet në Katar nga 20 nëntori - 18 dhjetor të këtij viti.
Komento
