La Liga në Spanjë është në raundin e 26-të. Këtë të shtunë (1 mars) fitore siguroi Atletico Madrid, që kombinuar edhe me humbjen e Real Madrid merr kreun e La Ligas.
Skuadra e Diego Simeones fitoi në "Metropolitano" 1-0 kundër Athletic Bilbao. Për bardhekuqtë mjaftoi goli i Julian Alvarez në minutën e 66-të që Atletico të gdhihet në vendin e parë.
Real Madrid është befasuar në Sevilla ku u mposht 2-1 me përmbysje nga Betis. Një ish si Isco i dha tri pikë Betisit dhe i bën nder Barcelonës e Atl. Madrid në garën për titullin kampion.
Ndeshja nisi mirë për miqtë e Ancelottit që gjetën golin e avantazhit me Diaz pas vetëm dhjetë minutave lojë. Vendasit nuk u pajtuan me këtë rezultat dhe në të 34' ishte Isco që asistoi për Johnny Cardoso, i cili shënoi për 1-1.
Në pjesën e dytë Betis bëri befasinë dhe në minutën e 54 shënoi sërish, këtë herë me një ish si Isco i cili nuk gaboi nga pika e bardhë e penalltisë. Megjithë rastet e "Galaktikëve" ishte Betis që mori një fitore historike.
Tanimë të diel është radha e Barcelonës, që në rast të një fitoreje kundër Sociedad do rikthehej në krye të renditjes. Për momentin vendi i parë mbahet nga Atletico Madrid me 56 pikë, ndërsa Real Madrid me 54 pikë zbret në pozitën e tretë.
Renditja:
Komente
