ITALI - Kombëtarja shqiptare e 19-vjeçarëve në futboll u mposht 3-0 nga moshatarët e Italisë. Në "Coverciano", djemtë e Ervin Bulkut ishin të pafuqishëm kundër kampionëve në fuqi të Evropës për U-19, duke pësuar tre gola. Ndeshja u hap shpejt nga vendasit, me Delle Monache që shënoi pas vetëm dy minutave lojë.
Në të 24 minutë ishte Ripani që shënoi për 2-0, duke ulur shanset e tanëve për të rihapur ndeshjen. Teksa arbitri po përgatitej të dërgonte skuadrat në dhomat e zhveshjes, ishte sërish Delle Monache që me dopietë shënoi për 3-0, duke mbyllur llogaritë e sfidës.
Kombëtarja jonë e nisi ndeshjen me këtë formacion:
Shqipëria U-19: Kiri, Damini, Kacurri, Kasmollari, Krasniqi, Adi Kurti, Arlind Kurti, Muca, Sulejmani, Tresa, Vranici
