Serie A mbylli raundin e 28-të. Të hënën e 10 marsit në ‘Olimpico’ të Romës, Lazio dhe Udinese barazuan 1-1, me rezultatin që i shkon përshtat Juventusit, që mbetet në vendin e katërt.
Sfida u zhbllokua në minutën e 22-të nga miqtë, me autor të golit Florian Thauvin. Pas dhjetë minutash Alessio Romagnoli vendosi ekuilibrat, me rezultatin që nuk ndryshoi.
Ky mund të quhet një hap fals për djemtë e Marco Baronit, që ndalen në shtëpi nga Udinese dhe humbasin mundësinë për të qenë në zonën Champions. Lazio tanimë me 51 pikë mban vendin e pestë, një më pak se Juventusi.
Ndërkohë Udinese me 40 pikë pozicionohet në vendin e dhjetë dhe barazon pasi kishte tre fitore radhazi, kundër Empolit, Leçes dhe Parmës.
Komento
Komente
