Milani dhe Interi barazuan 1-1 në derbin e parë mes tyre që vlente për gjysmëfinalen e Kupës së Italisë. Paçka se zikaltërit dominuan sfidën, do jetë përballja e kthimit që zhvillohet më 23 prill ajo që do vendos për skuadrën që kalon më tej.
Në ‘San Siro’ Milani kaloi i pari në avantazh me Abraham në minutën e 47-të, ndërkohë që Interi barazoi shifrat me supergolin e Çalhanoglu 20 minuta më vonë.
Megjithëse Inter pati shumë raste dhe goditi shtatë herë në portën e Maignan, kuqezinjtë rezistuan dhe kanë të gjitha mundësitë për të prekur finalen. Dueli mes tyre u ndoq me interes të madh jo vetëm në stadium, ku si gjithmonë biletat ishin të shitura.
Komento
Komente
