Barcelona siguroi një fitore karakteri për javën e 19-të në La Liga. Në stadiumin "Gran Canaria" në Las Palmas, katalanasit mundën 1-2 vendasit në një duel që prodhoi emocione dhe tri pikët u vendosën në fund.
Ish-lojtari i Barçës, Munir El Haddadi kaloi vendasit në epërsi vetëm pas 12 minutave lojë, duke befasuar Xavin në stol. Përmbysja e Barcelonës filloi në minutën e 55-të me Torres, që barazoi gjithçka.
Duhej minuta e 90+3 që një penallti e akorduar pas shumë protestash, u kthye në gol nga Gundogan. Në këtë sfidë debutoi për 12 minuta edhe Vitor Roque, afrimi më i ri i Barçës.
Me 41 pikë, Barça mban vendin e tretë në renditje, ndërsa Las Palmas me 25 pikë renditet në vendin e dhjetë.
Komento
