Sokol Cikalleshi është bërë protagonist absolut i ndeshjes së Ligës së Kampioneve 2 në Azi, duke shënuar tre gola të njëpasnjëshëm përballë Ravshan të Taxhikistanit me fanellën e iranianëve të Tractor.
Skuadra e Tractor e mbylli në avantazh 5-0 pjesën e parë ndaj Ravshan. Tre nga golat u shënuan nga Cikalleshi, i cili gjeti rrugën e rrjetës në minutën e 14-të për herë të parë. Kavajasi shënoi të dytin personal me penallti në minutën e 25-të, ndërsa tre minuta më vonë kompletoi tripletën.
Këta ishin golat e parë të Cikalleshit me fanellën e Tractor, të cilit iu bashkua gjatë verës, duke i dhënë lamtumirën kampionatit turk.
Komento
