Elita gjermane e futbollit, Bundesliga, nisi të premte me raundin e katërt. Në "MHPArena", vendasit e Stuttgart fituan 2-0 kundër St. Pauli në një ndeshje me shumë raste.
Ishte Stuttgart që e nisi ndeshjen më mirë, madje në minutën e 25-të Stiller gaboi nga 11 metra. Megjithatë, në fundin e pjesës së parë, konkretisht në minutën e 43-të, Demirovic shënoi goliin e parë për vendasit duke e mbyllur fraksionin e parë në epërsi.
Edhe nisja e pjesës së dytë i pa vendasit me më shumë dëshirë dhe në minutën e 50-të El Khannousa shënoi golin e dytë pas pasimit final të Demirovic. Me këtë sukses Stuttgarti ngjitet në vendin e shtatë me gjashtë pikë, pas dy fitoreve dhe dy humbjeve. Ndërkohë St. Pauli me shtatë pikë mban vendin e katërt me dy fitore, një barazim dhe një humbje.
Komente
