La Liga në Spanjë mbylli raundin e 23-të. Mbrëmjen e së hënës (10 shkurt) Mallorca dhe Osasuna barazuan 1-1, teksa për vendasit shënoi Vedat Muriqi duke u rikthyer te goli pas dy muajve.
Pjesa e parë në "Son Moix" u mbyll pa gola, ndërsa fundi i ndeshjes ishte me emocione. Duhej minuta e 81-të që Vedat Muriqi të shënonte golin e parë të ndeshjes, me një penallti të fituar nga vetë ai. Goli i parë për Vedatin në vitin 2025 pas rikthimit nga dëmtimi dhe i katërti këtë sezon.
Kur u duk se vendasit do dilnin te tri pikët, ishte Boyomo në shtesën e katërt që barazoi ndeshjen. Me këtë barazim skuadrat shkojnë në kuotën e 31 pikëve, duke ndarë vendet 9 dhe 10.
Komento
Komente
