Dy shqiptarë të akuzuar për një sërë vjedhjesh në Luksemburg, janë arrestuar në kuadër të një operacioni policor edhe të FAST Albania, nën koordinimin e rrjetit ENFAST.
Të arrestuar janë një 29-vjeçar nga Mirdita dhe një 28-vjeçar nga Puka, kurse ndërhyrja erdhi pas informacioneve të mbledhura nga agjentët për lokalizimin dhe kapjen e tyre.
“Në kuadër të operacionit të koduar “Together”, informacionet e siguruara nga Drejtoria e Forcës së Posaçme Operacionale dhe FAST Albania, si dhe të shkëmbyera me FAST Luksemburgun, mundësuan kapjen në Luksemburg të shtetasve shqiptarë K. B. alias K. N., 29 vjeç, të lindur në Mirditë dhe K. M., 28 vjeç, të lindur në Pukë”, njoftoi sot (18 Dhjetor) Policia e Shtetit.
Dy të rinjtë akuzohen për kryerje të vjedhjeve me dhunë në banesa në Luksemburg.
Komente
