Xhuljo Sollaku, 20-vjeçari nga Elbasani që mbeti i vrarë gjatë grabitjes në Fier

Kronikë
Top 24

Grabitja në Fier, s'gjenden celularët e viktimës dhe të plagosurit

27 Mars 2018, 09:57| Përditesimi: 27 Mars 2018, 11:26

  • Share

FIER - Zbardhen detaje të reja nga tentativa e grabitjes në Fier. Policia nuk ka gjetur në vendin e ngjarjes celularët e viktimës dhe të plagosurit, pasi dyshohet se ata i kanë lënë në furistradën me të cilën u larguan tre hajdutët e tjerë. Të pesë grabitësit ishin duke hapur derën e Minella Muçit dhe fqinjit të tij kur në vendngjarje mbërriti policia. 

Në vendngjarje u gjet çanta me një palë pinca, me një çelës papagall, një kaçavidë, një levë dhe mjete të tjera që përdoreshin nga grabitësit për të hapur bravat e dyerve. Identitetet e tre prej pesë grabitësve që tentuan të vjedhin me armë banesën e Minella Muçit mëngjesin e të premtes në qytetin e Fierit mbeten ende engimë.

Fakti se 20-vjeçarit Xhuliano Sollaku, që mbeti i vrarë gjatë shkëmbimit të zjarrit me policinë dhe Arben Muçës që u plagos, nuk u janë gjetur me vete telefonat celularë, ka bërë që tre autorët e tjerë të mund t’u shpëtojnë prangave deri tanimë. Telefonat dyshohet se ata i kanë lënë në automjetin me të cilin u larguan grabitësit e tjerë bashkëpunëtorë të viktimës 20-vjeçar dhe të plagosurit Arben Muça. Për këtë të fundit, i cili ndodhet në spital për shkak të plagëve të marra me armë zjarri, gjykata e Fierit caktoi një ditë më parë masën e arrestit me burg. 

Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?