Një burrë imam 41-vjeçar është i martuar me dy gra dhe pret të martohet për herë të tretë me një 11-vjeçare myslimane nga Tajlanda.
Imami i fshatit të tij të Gua Musang, në verilindje të Malajzisë i cili është gjithashtu babai i 6 fëmijëve ka shkuar para dy javësh në Golok, një qytet në kufi mes Malajzisë dhe Tajlandës, për të zyrtarizuar martesën me të miturën, e cila është një e njohur e njërit prej fëmijëve të tij dhe vajza e një prej punëtorëve të tij.
Mediat raportojnë se bashkëshortja e ardhshme ka dhënë miratimin e saj dhe ka deklaruar se është e dashuruar me burrin e ardhshëm qëkur ishte 9 vjeçe. Prindërit e fëmijës kanë vendosur si kusht që çifti mund të jetojë së bashku vetëm kur vajza të mbushë 16 vjet.
The Guardian shkruan se kjo martesë ka shkaktuar zemërim në vendin me shumicë myslimane, dhe aktivistët të dielën e kanë etiketuar dhëndrin si një grabitqar të fëmijëve.
(Imami me gruan e tretë)
Sipas rregullave fëmijët myslimanë malajzian nën moshën 16 vjeç lejohen të martohen me lejen e një gjykate fetare, por Ministria e grave dhe familjeve në këtë vend ka bërë të ditur se nuk kishte asnjë dokument të autoriteteve fetare që miratuan bashkimin.
Burri 41-vjeçar mund të burgoset për gjashtë muaj nëse amartohet me vajzën pa leje. Rreth 16,000 vajza malajziane nën moshën 15 vjeç janë tashmë të martuara, thonë avokatët.
Zoti e shikofte dhe e gjykofte . Krim
Përgjigju