Kylian Mbappe do jetë kapiteni më i ri i kombëtare së Francës në futboll. Sulmuesi i PSG-së pati një takim dje në mbrëmje me trajnerin Deschamps, me këtë të fundit që i komunikoi vendimin edhe skuadrës.
Tanimë "Gjelat" kanë një kapiten të ri, kjo pas largimit të Hugo Lloris nga futbolli ndërkombëtar. Mbappe ka zhvilluar 66 paraqitje me Francën, teksa 24-vjecari ka shënuar 36 gola me fanellën e kombit të tij.
Mbappe do të bëhet një nga kapitenët më të rinj të Francës dhe do të ndjekë gjurmët e Lloris, i cili mbajti shiritin për 14 vjet nga viti 2008 deri në 2022. Griezmann (117 paraqitje, 42 gola) do të jetë zëvendëskapiteni i ekipit.
Deschamps tha gjatë konferencës për shtyp të hënën se cilësia kryesore në zgjedhjen e tij ishte "legjitimiteti" dhe se "interesi i përbashkët do të mbizotërojë". Deschamps shtoi se Mbappe është rritur në drejtimin e tij që nga Kupa e Botës 2022. Franca luan me Holandën dhe Irlandën për kualifikueset e Euro 2024.
S.DH/ReportTv.al