Gramsh- Një 32-vjeçar në Gramsh ka rënë në prangat e policisë. Teksa ishte shpallur në kërkim për vjedhje lëvizte me një makinë "Volkswagen", të dyshuar të vjedhur.
I riu nga Kuçova dyshohet se e kishte vjedhur makinën më 23 maj në rrugën "Jordan Misja", Tiranë.
Ndërsa më 28 maj i kishte grabitur telefonin një gruaje në Dimal.
Njoftimi i policisë:
Specialistët për Hetimin e Krimeve të Komisariatit të Policisë Gramsh në vijim të punës për goditjen e paligjshmërive në çdo formë të shfaqjes së tyre, si dhe si rezultat i shkëmbimit të informacioneve me strukturat e Policisë së Tiranës dhe Beratit, kanë kapur dhe ndaluar shtetasin e shpallur në kërkim:
- S. K., 32 vjeç, banues në Kuçovë.
32-vjeçari lokalizua në Gramsh, ndërkohë që qarkullonte me automjetin tip "Volkswagen", të dyshuar të vjedhur në Tiranë.
Nga veprimet hetimore dyshohet se:
-më datë 23.05.2025 ka vjedhur në rrugën "Jordan Misja", Tiranë, automjetin tip "Volksëagen", në pronësi të shtetases A. D.;
-më datë 28.05.2025, në Dimal, i ka vjedhur celularin, një shtetaseje.
Veprimet e mëtejshme procedurale do të kryhen nga strukturat e policisë Tiranë dhe Berat.
Komente
