Gramsh – Një makinë tip Ford Focus ka shpërthyer teksa ishte në lëvizje pasditen e sotme (21 korrik 2024) për pasojë janë plagosur rëndë dy vëllezër, Algert dhe Eraldi Mina të cilët ndodheshin në mjet.
Ngjarja e rëndë është regjistruar rreth orës 17:20 në lagjen "Xhile Liçi", në unazën e Gramshit. Burime për Shqiptarja.com dhe Report Tv sqaruan se shpërthimi ishte shkaktuar prej dinamitit që vëllezërit e mbanin brenda në makinë, dyshohet për të gjuajtur peshk.
Edhe policia përmes një njoftimi të shpërndarë më vonë konfirmoi këtë tezë duke hedhur poshtë dyshimet e para se kishim të bënim ngjarje kriminale, lëndë tritoli të vendosur në makinën e vëllezërve për ti eliminuar ata. Gjithashtu saktësoi dhe llojin e lëndës plasëse. Amonit Malor.
"Në përfundim të veprimeve të para, rezultoi se nuk ka pasur shpërthim nga jashtë të automjetit (pra nuk kemi të bëjmë me lëndë eksplozive) por dyshohet se drejtuesi i automjetit ka pasur në kroskotin e automjetit lëndë plasëse të dyshuar Amonit Malor, me fuqi të ulët veprimi, lëndë e cila dyshohet se ka shpërthyer për shkak të nxehtësisë" thuhet në njoftimin e mëvonshëm të policisë së Elbasanit.
Në momentin e shpërthimit të makinës me targa "AB 713JT" në timon ka qenë Algerti, ndërsa Eraldi ka qenë pasagjer. Ky i fundit ka marrë edhe plagët më të rënda, pasi ka qenë më afër kroskotit dhe dëmtimet më të mëdha i ka në gjymtyrë.
Shpërthimi ka qenë aq i fuqishëm sa dëmtoi edhe xhamat e banesave përreth por dhe makinave që ndodheshin të parkuara aty.
Hetimet
Një grup i posaçëm hetimor dhe njësia antieksploziv e Repartit Special Renea, shkuan në vendngjarje për të kryer ekzaminime të mekanizmit e rrethaneve qe kishin ndikuar në shpërthimin e ndodhur në automjet.
Shpërthimi i fuqishëm sipas ekspertëve ka ndodhur nga brenda jashtë makinës dhe jo e kundërta. Nëse do të ndodhte kjo e fundit do të kishim të bënim me një ngjarje kriminale.
Vëllezërit merren me biznes, njëri zotëron një lokal dhe tjetri një mobilieri dhe nuk figuronin persona me precedentë penalë.
'Rreth orës 17:20, në lagjen "Xhile Liçi", Gramsh, automjeti tip "Ford Focus", që drejtohej nga shtetasi A. M., gjatë kohës që automjeti ka qenë në lëvizje, në rrethana ende të pa qarta ka shpërthyer.
Si pasojë është dëmtuar shtetasi A. M. dhe pasagjeri shtetasi E. M. (vëllezër), të cilët janë transportuar për ndihmë mjekësore në spital.'. njofton policia.
Pasi morën mjekimin e parë në spitalin e Elbasanit, të dy vëllezërit u transportuan me urgjencë në spitalin e Traumës në Tiranë.
Policia ka dhënë sqarime lidhur me ngjarjen e rëndë në Gramsh teksa shpërtheu makina e dy vëllezve që mbetën të plagosur. Sipas policisë dhe pas ekzaminimeve të Repartit Renea, nuk kemi të bëjmë me një ngjarje kriminale.
Lënda e shpërthyer ishte e vendosur në kroskotin e automjetit dhe bëhet fjalë për lëndën plasëse Amonit Malor, me fuqi të ulët veprimi, e cila mund të ketë shpërthyer për shkak të nxehtësisë.
"Për sqarimin dhe dokumentimin e këtij rasti u ngrit një grup i posaçëm hetimor dhe në vendngjarje shkoi edhe njësia antieksploziv e Repartit Special Renea, për të kryer ekzaminime të mekanizmit e rrethaneve qe kishin ndikuar në shpërthimin e ndodhur në automjet.
Në përfundim të veprimeve të para, rezultoi se nuk ka pasur shpërthim nga jashtë të automjetit (pra nuk kemi të bëjmë me lëndë eksplozive) por dyshohet se drejtuesi i automjetit ka pasur në kroskotin e automjetit lëndë plasëse të dyshuar Amonit Malor, me fuqi të ulët veprimi, lëndë e cila dyshohet se ka shpërthyer për shkak të nxehtësisë.
Nga tërësia e veprimeve të kryera rezulton se kemi të bëjmë me një ngjarje aksidentale dhe nuk ka asnjë indicje për veprim kriminal ndaj të dëmtuarëve."
Detaje të reja bëhen me dije lidhur me ngjarjen në Gramsh ku pas një shpëthimi në makinë mbetën të lënduar dy vëllezër.
Siç bën me dije gazetar i Report Tv, Sokol Dema lënda që ka shpërthyer nuk ka qenë një lëndë tritoli, pra nuk kemi të bëjmë me një ngjarje kriminale.
Por ka qenë një lëndë që ka qenë brenda në makinë, të cilët vëllezërit e kanë pasur në kroskot, dyshohet për të gjuajtur peshkë.
Ekspertët e konfirmojnë shpërthimin por ajo ka ndodhur nga brenda jashtë dhe jo nga jashtë brenda, siç janë ngjarjet kriminale.
Lënda është lëndë dinamit me fuqi të ulët. Vetëm njëri prej vëllezërve, pasagjer, ka probleme me gjymtyrët por të dy janë jashtë rrezikut për jetën.
Gazetari Ronald Gjoshi ka sjellë përjetimet e banorëve të Gramshit pranë vendit ku ndodhi shpërthimi e cila plagosi dy vëllezër në makinën e tyre teksa po ecnin në Unazën e qytetit. Një burrë dhe një grua që kanë shtëpinë pranë rrugës ku ndodhi ngjarja thonë se u duk si një bombë atomike shpërthimi.
'Plasi shpërthimi. U trembëm, filoi që tek benzi i parë filloi. Kur ndaloi këtu, plasi si bombë e madhe. Dy vëllezërit nuk i njoh, njoh famijlen. Njerëz të urtë. Babai i dy fëmijëve ka qenë në uzinë. E ëma është pastruese tek shkolla. I ati në pension. Nuk i njoh për njerëz të këqij. Çunat nuk i njihja.'
'Në banesë nuk ka patur, por makina është dëmtuar. U trembëm. Lajmëruam policinë, zjarrfikësin. Të atin ia njoh. Ishim brenda në shtëpi. U duk si bombë atomike. Kam 11 vjet që e kam ble makinën, por llamarina rregullohet.'
Në fillim u mendua si shpërthim me tritol, teksa u fol për një ngjarje kriminale. Më pas rezultoi se në kroskotin e makinës vëllezërit mbanin me vete lëndë plasëse për peshkim, me shumë mundësi dinamit e cila ka shpërthyer prej nxehtësisë, teksa makina ishte në lëvizje e sipër.
Report Tv siguron fotot e dy vëllezerve të mbetur të plagosur rëndë pasditen e sotme pas shpërthimit me tritol në makinën e tyre në Gramsh.
Të dy janë dërguar me urgjencë tek spitali i Traumës në kryeqytet me helikopter.
Report Tv siguron pamjet e momentit të transportimit të një prej vëllezërve Mina me helikopter drejt Spitalit të Traumës në Tiranë.
Vëllezërit Mina mbetën të plagosur pasditen e sotme pas një shpërthimi me tritol në makinën e tyre në qytetin e Gramshit.
Pasojat e shpërthimit sot në Gramsh, ku dyshohet se një tritol shpërtheu një makinë ku ishin dy vëllezër që janë drejt Traumës, u ndjenë edhe në zonën përreth.
Siç shihet edhe nga pamjet e siguruar nga Report Tv, shpërthimi ka qenë i fortë dhe ka dëmtuar xhama banesash dhe xhamat e makinave që kanë qenë pranë.
Ende policia po heton për shkaqet e shpërthimit.
Komente
![](https://www.report-tv.al/template/img/antipiracynote.jpg)
O.K,po pranojme shpjegimin e policise,por si shume jane keta qe po e pesojne per menyren si peshkojne me lende plasese,apo gjeneratore! A nuk eshte rasti te ashpersohen ligjet per gjuetine e peshkut me metoda te tilla?!
PërgjigjuThjesht dinamit , nuk shpërthen çfardo lloi temperature të jet. Të shpërthejë duhet pa tietër kapsolla detonatere. Ti kenë të shkuara e qoft e pakt.
PërgjigjuKeta donin te vrisnin peshkun peshku vrau keta.
PërgjigjuPo tjetee cfare mbanin ne kroskot? 12.7mm per te vrare arinj? Po lepujt me cfare kalibri i vrasin? Nuk shperthen tritoli dhe cdo lloj eksplizivi tjeter pa kapsollen ose detonatorin, apo ja kishin vendoaur dhe po loznin rruges? Kush i nxjerr keto perralla ministri qe nuk po e kupton nga po i vijne ngjarjet? Gallate
PërgjigjuPeshqit e medhenj e te vegjel falenderojn
PërgjigjuI ka zen gjynahu!
PërgjigjuCfar po ndodh keshtu ne ket vend o popull.A ka polici qe parandalon kto ngjarje apo policia esht vetem per te mbledh kockat e kufomat? Esht ber policia jon si agjensi varrimesh,vec per te transportuar te vdekurit shkon
PërgjigjuNa le rehat se po shpërndajnë uje me 10 vetë që i marrin mw kamera, qesh pak se je pa menje.
Me kete ju uroj nje fundjave te kendshme
PërgjigjuPo po duket qe eshte difekt i linjes te tensionit te kanabisit. Pasojat e kanibizimit dhe suportit te trafikut te droges do zgjatin ne shqiperi shume me teper se '97.
PërgjigjuKe te drejt or shok. Esht nderprer lontano e lekeve pa djerse dhe ky esht rezultati