Gramsh- Vdekja e një 58-vjeçari duke hapur dje një pus pa leje në fshatin tervol të Gramshit, pasi e zuri masivi i dheut që po gërmohej me fadromë, çon në prangat e Policisë drejtuesin e mjetit dhe pronarin e objektit.
Burime zyrtare nga Policia e Elbasanit bënë sot me dije (12 korrik) se pas hetimeve të kryera për ngjarjen e rëndë ku mbeti viktimë H. D., specialistët për Hetimin e Krimeve të Komisariatit kanë kryer edhe prangosjet e të dyshuarve.
“Në përfundim u bë arrestimi i S. B., 41 vjeç dhe S. D., 53 vjeç, për veprat penale "shkelja e rregullave të mbrojtjes në punë" dhe "ndërtimi i paligjshëm", pasi S. B., gjatë punës me fadromë, për hapjen e një pusi në pronën e S. D., dyshohet se ka rrëshkitur një masiv dheu dhe ka rënë mbi H. D., i cili për pasojë ka humbur jetën”, njoftoi policia.
Veprimet hetimore i kanë kaluar prokurorisë vendore për të dyja veprat penale dhe të dyshuarit.
Komente
