Vijojnë polemikat mes emisarit për Misione të Posaçme i SHBA-së dhe kryeministrit të Kosovës. Richard Grenell e ka quajtur delirant Albin Kurti, për shkak të deklaratës mbi marrëdhëniet Kosovë-SHBA.
Kurti përsëriti dje se marrëdhëniet me SHBA-në nuk kanë qenë asnjëherë më mirë se gjatë qeverisjes së tij.
Por, Grenell ka reaguar sërish duke thënë se “marrëdhëniet nuk kanë qenë asnjëherë më të ulëta”.
“Albin Kurti është dënuar nga administrata e parë Trump, administrata Biden, NATO, BE-ja, Ambasada amerikane, Anthony Blinken, etj”, ka shkruar Grenell në platformën X, ndërsa ka bashkangjitur deklaratën e Kurtit: “Albin Kurti i përgjigjet Grenellit: Marrëdhëniet Kosovë-SHBA janë më të mira se kurrë”.
Polemikat mes të dyve kanë nisur ditë më parë kur Grenell fillimisht i reagoi Kurtit se deklarata e këtij të fundit për “marrëdhëniet e mira me SHBA-në” janë mashtrim. Madje, Grenell shkroi më 3 shkurt se “bashkësia ndërkombëtare është e bashkuar kundër Albin Kurtit”.
Në replikë Kurti dje në një televizion lokal ka thënë se “nganjëherë ka kritika e vërejtje, por duhet të ecim përpara”. Ndërsa insiston për marrëdhënie të mira me SHBA-në, ai ka përmendur blerjen e helikopterëve e avancimin e raporteve në aspektin diplomatik e mbrojtje.
Kosova do të zgjedhë të dielën qeverinë e re. 28 forca politike garojnë në këto zgjedhje, prej të cilave 20 parti politike, pesë koalicione, dy lista qytetare dhe një kandidat i pavarur.
Kandidatët për kryeministër janë Albin Kurti i Lëvizjes Vetëvendosje, i cili kërkon një mandat të dytë , Bedri Hamza i Partisë Demokratike të Kosovës, Lumir Abdixhiku i Lidhjes Demokratike të Kosovës dhe Ramush Haradinaj i Aleancës për Ardhmërinë e Kosovës.
Komente
qyre mujshit me bo manipulime me vota por mbani ne mend se edhe grenelli ka mi ra pishmon qe osht ka perzihet ne zgjedhjet e republikes se kosoves per interesat e veta personale qe osht ka perzin me qetnikat e serbijes populli i kosoves dhe perkrahja e Albin Kurti ska te ndalur. Ose krejt ose asgje.118 cep me cep 500K Zemra me Albin Kingun
PërgjigjuPer te gjithe ata shqipo ketej e pertej kufirit qe nuk e dine ose nuk e kane marre vesh akoma e mund te manipulohen nga deklaratat e Grenellit per Kurtin duke e quajtur si te denuar nga administratat amerikane duhet t'ju themi se pikerisht bosi i ketij Grenellit-Trump po konsideron te dergoje si ambasador ne Serbi Rod Blagojevicin,ish gov.i Ilinoisit i denuar nga drejtesia amerikane per korrupsion me 14 vjet burg e falur nga Trump me kohen qe beri burg dhe tani eshte bere sejmen i tij.Pas kesaj te dashur Kosovare mendohuni mire kur dilni kunder Kurtit e ne favor te Grenellit.Eshte pikerisht Trump qe do dergoje si ambasador ne Serbi,ne vendin qe e keni patur kundershtar te perjetshem nje kriminel te denuar per korrupsion e te falur me te cilin do te keni te beni indirekt e qe merret me mend si Blagojevic qe eshte, anen e kujt do te mbaje ne arenen nderkombetare kur te keni probleme e mosmarreveshje mes jush e Serbise.
Përgjigju