Rreth orës shtatë e gjysmë të mëngjesit ka përfunduar një ndjekje e “çmendur” në Egnatia Odos, e cila ka nisur nga Igumenica dhe ka përfunduar në Mecovë. Patrullat e policisë dhe mjetet konvencionale, nga Thesprotia dhe Janina, janë mobilizuar menjëherë, kur është vënë re një makinë e cila kishte hyrë në drejtim të kundërt në autostradë dhe po lëvizte me shpejtësi marramendëse.
Ndjekja ka nisur nga Igumenica dhe mjeti ka lëvizur në drejtim të Selanikut, por në drejtim të kundërt deri te rruga me pagesë Drosohori.
Në të gjitha pikat e pagesës ai theu hekurat për të shpëtuar. Në Drosochori ai ka hyrë në qarkullimin normal dhe pak kilometra më vonë ka filluar të ketë probleme serioze me gomat, ndoshta për shkak të shpejtësisë së tepërt.
Automjeti ka dalë nga kryqëzimi i Meçovës ku më në fund është ndaluar nga policia. Brenda në mjet sipas burimeve janë gjetur dhe sekuestruar 63 pako që përmbanin 67 kg marijuanë. Në pranga mësohet se ka rënë një 20 vjeçar shqiptar dhe një 16 vjeçar grek nga Selaniku.
Automjeti është dërguar në Departamentin e Policisë Thesproti, e cila po heton rastin.
