Punonjësit e Policisë së Departamentit të Çështjeve të Përgjithshme të Nëndrejtorit të Prokurorisë së Narkotikëve të Selanikut kanë vënë në pranga 2 persona të cilët janë të përfshirë në trafikun e drogës, ndërsa kanë sekuestruar edhe heroinë me peshë totale mbi 9 kilogramë.
Sipas mediave greke, bëhet fjalë për një 36-vjeçar nga Shqipëria dhe për kunatën e tij 24-vjeç (motra e partneres së tij), ndaj të cilëve është ngritur një dosje, që do të dërgohet në prokurorinë e shkallës së parë në Selanik.
Nga kontrolli i kryer në banesë, u gjetën të fshehura me kujdes në një dollap një fuçi dhe një kuti me 18 pako heroinë, me peshë totale 9 kg e 12 gram.
Në posedim të të arrestuarve, si dhe në banesën e 36-vjeçarit, me banim të paligjshëm në vend, u gjetën dhe u sekuestruan dy peshore elektronike precize, shirita paketimi ngjitës dhe celularët e tyre.
Siç rezultoi nga hetimet e policisë, 36-vjeçari posedonte, ruante dhe trafikonte sasi të mëdha heroine, duke përdorur si “kabinë” një apartament në zonën e hyrjes perëndimore të Selanikut.
S.B/ReportTv.al