Greqi- Një shqiptar 35-vjeçar, i kërkuar nga Interpol Tirana për tentativë vrasjeje dhe armëmbajtje pa leje, është arrestuar nga policia në Greqi ku dhe po fshihej prej katër vitesh.
Prangosja e tij është bërë mbrëmjen e së hënës dhe sot mediat greke kanë publikuar lajmin e operacionit nga oficerët e policisë së ekipit DIAS, në zonën e Kallitheas.
“Siç njoftoi Policia helenike, 35-vjeçari akuzohet se ka qëlluar me armë një burrë në Shqipëri në maj 2021, duke rezultuar në plagosjen e tij”, thuhet në raportimin e medias greke.
Mësohet se i arrestuari është identifikuar si Fatjon Shabanaj, një emër i skeduar nga policia shqiptare.
Shabanaj akuzohet për ngjarjen e katër viteve më parë, kur në fshatin Poshnjë të Beratit, u plagos me armë zjarri Iljaz Ismailaj, i cili kishte 1 ditë që kishte ardhur në Shqipëri nga Anglia kur u sulmua.ritet një njoftim zyrtar edhe nga Policia e Shtetit dhe Interpol Tirana për këtë arrestim dhe skedën e të dyshuarit.
Njarja ka ndodhur më 26 maj 2021. Sipas hetimeve, në makinën e autorëve kanë qenë 5 persona, njëri prej tyre i armatosur. Ata kanë tentuar që ta marrin me forcë Ismailajn, por nuk ia kanë dalë dot, teksa autori i armatosur ka rrëshqitur dhe i ka rënë arma nga dora. Pas krimit, u ndlauan 2 nga autorët e dyshuar, Adriatik Shabanaj dhe Aurel Filaj, që e mohuan përfshirjen.
Komente
