Greqi- Tre gra të moshës rreth 35-50 vjeçare kanë vdekur mbrëmjen e sotme pas një shpërthimi në kuzhinën e një taverneje në Kalamata. Mediat greke raportojnë se një prej grave ka qenë gruaja e pronarit dhe dy të tjerat punonjëse në kuzhinë. Nuk dihet ende se çfarë ka shkaktuar shpërthimin edhe pse dyshimet e para sipas zyrtarëve të zjarrfikëses janë për një bombë gazi.
Ngjarja ka ndodhur në një ditë feste në plazhin e Kalamatës ndërkohë në ambientet e tavernës kanë qenë të pranishëm dhe pronari i lokalit si dhe 5 klientë të cilët kanë arritur në kohë të largohen dhe të shpëtojnë.
8 zjarrfikës dhe 3 mjete janë përdorur për shuarjen e flakëve masive në tavernën e djegur të tavernës së quajtur Dyonisis.
Komento
Komente
