Kryeministri grek, Kyriakos Mitsotakis, do të paraqesë sot në Parlament Programin Afatgjatë të Armatimeve (MPAE), i cili synon të përcaktojë investimet strategjike të mbrojtjes për 12 vitet e ardhshme.
Ndërsa Bashkimi Europian përgatitet për një iniciativë të pashembullt prej 800 miliardë eurosh në sektorin e mbrojtjes, Greqia ka planifikuar të investojë të paktën 28 miliardë euro në mbrojtje nga viti 2025 deri në 2037. Kjo do të përkthehet në shpenzime mesatare prej 2 deri në 2.5 miliardë euro në vit.
Pas prezantimit, ministri i Mbrojtjes, Nikos Dendias, pritet të japë më shumë detaje mbi programin. Sipas burimeve qeveritare kanë bërë të ditur se prezantimi i 18 marsit do të përfshijë nevojat dhe prioritetet e prokurimeve ushtarake, por nuk do të specifikojë sisteme të veçanta apo procedurat e blerjeve, përveç atyre që tashmë janë kontraktuar.
Që nga viti 2020, Greqia ka nënshkruar kontrata mbrojtëse me vlerë rreth 15 miliardë euro, duke përfshirë blerjen e avionëve luftarakë Rafale dhe modernizimin e flotës detare dhe tokësore.
Një nga prioritetet kryesore të programit të ri është iniciativa “Mburoja e Akilit” (Achilles’ Shield), e cila ka për qëllim modernizimin e mbrojtjes ajrore dhe përmirësimin e ndërlidhjes së sistemeve mbrojtëse. Ky projekt do të forcojë aftësitë mbrojtëse të vendit, duke përfituar nga teknologjitë më të fundit dhe duke përmirësuar koordinimin mes forcave të armatosura greke.
Komente
Ku ashte shqipnija kapitaliste ha ha ha ha
Përgjigju