Ndërsa Greqia po tenton t`i rikthehet gradualisht normalitetit, barra e komunitetit shkencor bie mbi parandalimin e infektimeve masive gjatë valës së dytë e të shumëparalajmëruar të pandemisë, thonë mediat vendase.
Për këtë arsye, sipas tyre, kërkuesit e spitalit Attikon kanë propozuar përdorimin e një vaksine ekzistuese për mbrojtjen e popullatës, duke qenë se një e tillë e mirëfilltë kundër koronavirusit nuk ekziston ende.
Ekspertët grekë, të drejtuar nga profesori i Patologjisë dhe Infektimeve, Evangelos Giamarellos, kanë marrë aprovimin e Agjensisë Kombëtare të Ilaceve për të nisur nga 1 qershori programin e vaksinimit kundër sëmundjes së re përmes vaksinës së tuberkulozit.
Raportet shkencore nga një sërë vendesh tregojnë se vaksina kundër tuberkulozit lidhet me një rrezik më të ulët infektimi me SARS-CoV-2. Në tre vende, Australi, Gjermani dhe Holandë, sipas shtypit grek, ka nisur programi i vaksinimit kundër Covid 19 duke u përdorur vaksina e tuberkulozit
