Të gjitha fluturimet për dhe nga aeroportet e Greqisë do të anulohen më datë 9 prill. Ky njoftim nga Aviacioni Civil vjen për shkak të grevës 24 orëshe të paralajmëruar nga Shërbimi Civil në Greqi.
ACAA këshillon të gjithë pasagjerët të kontaktojnë kompanitë ajrore përkatëse për më shumë informacion.
“Për shkak të grevës 24-orëshe të shërbimit civil në Greqi, të gjitha fluturimet drejt dhe nga aeroportet greke për datën 9 prill janë anuluar. ACAA këshillon të gjithë pasagjerët të kontaktojnë kompanitë ajrore përkatëse për më shumë informacion”, thuhet në njoftim.
Në grevën e paralajmëruar nga sindikatat, shoqatat dhe federatat e sektorit publik dhe privat në Greqi, do të marrin pjesë edhe kontrollorët grekë të trafikut ajror. Sipas një njoftimi të Autoritetit të Aviacionit Civil grek, gjatë grevës do të kryhen vetëm fluturime të caktuara për të mbuluar nevojat bazë të shoqërisë
Njoftimi i Autoritetit Civil në Facebook
Komente
