Ky mural, prej muajit gusht mbulon fasadën e një prej godinave në Qytet Studenti.
Në dilemën e asaj që paraqet, figurës së gruas, burrit apo një transgjinori që fluturon i lirë, imazhi ka ngjallur debate.
Pastori Akil Pano, është një prej figurave publike që ka reaguar, lidhur me të.
“Në sfond; me sa dalloj, shoh trupin muskuloz të një burri që dëshiron të jetë grua, teksa mendon se i zbulon botës ‘hiret’ e një gruaje në trupin e një burri!? Qofsha i gabuar! Më thoni pak ju lutem; e kujt është përgjegjësia e vendosjes se këtij ‘krijimi’ ne njërën prej godinave? Pse tek studentët/ të rinjtë? A janë pyetur studentët, apo janë ndodhur përballë faktit?”, shkruan ndër të tjera pastori.
Është Dekori i Bashkisë Tiranë, që ka mundësuar realizimin e këtij murali, ndërsa autorësia, siç mësojmë prej tyre, i përket një autori argjentinas, të quajtur Sasha.
“Murali në fjalë është realizuar nga një artist spanjoll, i cili pasi mbaroi një mural brenda një kohe të shkurtër, kërkoi të realizonte një të dytë, i frymëzuar nga një grua rome që kërkonte lëmoshë te pallati ku ai kishte punuar. Krijoi afrimitet me të, aq sa gjatë kohës kur punonte muralin e parë, ndante drekën me të. Donte ta përdorte si modele me idenë që i vetmi moment kur ajo mund të ndihej mirë dhe e lirë, ishte duke e vënë në një mur me ngjyra dhe me motive shqiptare, siç është rasti i elementëve të qilimit në sfond.”, përgjigjen nga Dekori i Bashkisë Tiranë.
Sa i përket përzgjedhjes së vendit, Dekori përgjigjet se është bërë në mënyrë rastësore.
“Zgjedhja e vendit ishte rastësore te qyteti studenti, pasi ju propozuan tre fasada, nuk kishte shumë kohë që të mund të punonte në një fasadë mbi 4-5 kate”, përgjigjet më tej nga dekori, duke sqaruar se për këtë mural Bashkia nuk ka bërë asnjë pagesë dhe se është realizuar me kërkesë të artistit.
Mungesa e kohës, është shpjegimi që i jep artisti Helidon Haliti, përafrimit të këtij murali me një figurë transgjinore. Sipas tij, artisti nuk ka pasur kohën e mjaftueshme për të theksuar tiparet femërore, ndërsa lartësia, i ka përforcuar këto vështirësi. Po në gusht, artisti ka marrë pjesë edhe në ‘MuralFest’ të këtij viti të kuruar nga Helidon Haliti, me një tjetër punë, ku siç shpjegon ai vetë në rrjetet sociale ndjek të njëjtin koncept.
“Ky është Murali im i dytë në Shqipëri, me të njëjtin koncept për një grua që kërcen dhe hidhet drejt qiellit. Është realizuar duke marrë parasysh referencat lokale dhe përpjekjen për të portretizuar bukurinë jo të standardizuar.”, sqaron artisti.
Komente
TE HIQET TURPI...DHE TE DENOHET AUTORI....ZOTI OSE HAPESIRA DHUROI DY GJINI MASHKULL DHE FEMER....KJO QE SHIKOJME ESHTE MALLKIM I TE MALLKUARIT.
PërgjigjuPo c'taksirat kemi ne, qe te shohim fetishet e kryebashkiakut te pikturuara neper fasada?
PërgjigjuDuket sikur ka pikturuar belind kelliçin e pd.
PërgjigjuNa keni neru ju ne Tiran e keni fillu qysh te parlamenti o ma paci faqen e zez
PërgjigjuÇ'eshte ky, "burre muskuloz e delikat, i veshur me rroba gruaje"?!
PërgjigjuHahaha..i ka than lali tirones se e ka porosi nga sorosi
PërgjigjuPo mire e ka bere, nje rome qe eshte 'burreruar' se i ka rene barra e shtepise dhe deshiron lirine, te fluturoje. S,eshte bere kush gej apo transgjinor nga muralet, po he, kot debati
Përgjigju