Pasi e la shkollën dekada më parë, një gjyshe, palestineze ja ka dalë që të diplomohet në moshën 85 -vjeçare, në studimet fetare.
Jihad Battu lindi në vitin 1936 në qytetin Nablus të Bregut Perëndimor. Ajo mori emrin Xhihad nga familja e saj, një emër arab që do të thotë "luftë kundër armikut".
Ajo shkoi në një shkollë në Al-Mujaydil, afër Nazaretit, deri në vitin 1948, por me pas u detyrua që ta linte pasi palestinezët u dëbuan me forcë nga shtëpitë e tyre.
Në 1954, Xhihadi u martua dhe lindi pesë fëmijë. Sidoqoftë, pasioni i saj për të studiuar dhe mësuar nuk u zbeh kurrë. Ajo arriti të marrë disa kurse gjuhësore në arabisht, anglisht dhe hebraisht, si dhe kurse në matematikë.
Në moshën 81 -vjeçare, gruaja palestineze ishte ende plot entuziazëm për të studiuar. Ajo vendosi të regjistrohet në një kolegj për të fituar një diplomë universitare dhe të veshë një mantel diplomimi.
Në një intervistë, Xhihadi tha se ajo zgjodhi të studiojë Sheriatin Islam për dashurinë dhe angazhimin e saj ndaj traditave dhe rregullave Islame. "Kam studiuar shumë dhe për orë të gjata gjatë natës," tha ajo.
.jpg)
Në moshën 85 -vjeçare, Xhihadi pa ëndrrën e saj duke u realizuar duke marrë diplomën e saj bachelor dhe duke veshur një mantel diplomimi. "Unë do t'ua mësoj atë që kam studiuar njerëzve përreth meje. Cili është përfitimi i shkencës nëse e mbaj atë vetëm për veten time, dua t'i mësoj të tjerët që të përfitojnë edhe ata?" tha 85-vjeçarja.
