Një 37 vjeçar në Dibër është arrestuar ditën e sotme pasi dhunoi dhunë psikoglogjike ndaj gruas së tij dhe më pas edhe u aksidentua teksa drejtonte makinën në gjendje të dehur. Mësohet se 37 vjeçari kishte dhunuar psikologjikisht gruan e tij dhe kjo e fundit në gjendje të rënduar, kishte konsumuar lëndë helmuese.
I arrestuari, tentoi ta çonte në spital por për shkak se ishte në gjendje të dehur, ka humbur kontrollin e makinës duke u përplasur me një tjetër automjet.
Policia ka vënë menjëherë në pranga 37- vjeçarin e identifikuar si R.B dhe ka transportuar për në spital bashkëshorten e tij e cila ndodhet nën kujdesin e mjekëve.
Ndaj tij rëndojnë veprat penale "Shkaktim i vetëvrasjes" dhe "Drejtimi i automjeteve në mënyrë të parregullt”.
Komento
