Pas një periudhe tensioni dhe bojkoti në disa fakultete një grup i studentëve nga Fakulteti i Mjekësisë dhe Shkencave të Natyrës i janë rikthyer këtë të mërkurë protestave para Ministrisë së Arsimit dhe Sportit dhe Kryeministrisë.
Një grup i vogël i studentëve kanë vijuar të bojkotojnë mësimin ku këtë rradhë kanë zgjedhur të protestojnë fillimisht para Ministrisë së Arsimit ku kanë qëndruar për rreth një orë, për të marshuar më pas në drejtim të godinës së Kryeministrisë .
Ndërsa qeveria ka vijuar turin e projektit tw “Paktit për Universitetin”, një pjesë e studentëve me thirrjet “Kërkojmë arsim cilësor” , “E duam Shqipërinë si e gjithë Europa”, “Anuloje ligjin”, kërkojnë përmbushjen e të gjithë kërkesave të paraqitura prej tyre për ulje të tarifave studimore, përmirësimin e cilësisë së sistemit arsimore deri edhe anulimin e ligjit të arsimit të lartë.
Gjatë protestës së zhvilluar, disa nga studentët në shenjë proteste kanë qëlluar me vezë në drejtim të godinës së Ministrisë, ndërsa nuk kanë munguar as brohoritjet e tyre “S’jemi 2 as jemi 3 gjithë Shqipëria është me ne”.
Ata e përqëndruan një pjesë të kohës protestën e tyre, e cila zgjati për rreth një orë para godinës së Kryeministrisë ku i bënë thirrje qeverisë për anulimin e ligjit të arsimit të lartë.
Pas plotësimit të kërkesave të paraqitura në protestat e muajit dhjetor, përmes "Paktit për Univerisitetin" të prezantuar nga qeveria shumica e studentwve u janë rikthyer auditoreve mësiomore në fakultetet e tyre për vazhdimin normal të procesit mësimor në universitete. Gjithashtu, mësohet se në Fakultetin Ekonomik vijon aplikimi i studentëve ekselentë në portalin “Punë të Mbarë”, një portal i cili do të mundësojë punësimin e të rinjëve në administratën shtetërore.
Komente
Protestoni para PD-LSI,e mos u sorrollatni kot,vetem studente qe nuk meritoni te jeni ju rrugecer.
Përgjigju