Grykëderdhja e lumit të Shalës në liqenin e Komanit është kthyer në një nga destinacionet më tërheqëse të Alpeve Shqiptare. Lumi i Shalës buron nga Thethi, izoluar nga majat e larta, rrjedha e vrullshme e ujit ngjyrë smerald ofron një panoramë të rrallë.
Për të mbërritur në lumin e Shalës udhëtojmë për afro një orë me varkë nga liqeni i Komanit drejt Parkut të Blinit ose ndryshe grykëderdhja e lumit të Shalës.
Sportet ujore, shëtitjet me kalë, ngjitja në shtigjet malore janë vetëm disa prej atraksioneve që mund të gjeni në këtë luginë, ku vera është e freskët dhe e magjishme.
Ky bum turistësh në dy vitet e fundit i ka nxitur vendasit e përfshirë në industrinë e turizmit të kërkojnë mundësi zhvillimi, siç është ky zip line.
Por ka edhe disa problematika sa i përket infrastrukturës që adresohen për Bashkinë e Vaut të Dejës dhe KESH-in.
Pas disa orësh shëtitje në ujërat e kthjellëta, plazh në zhavorrin lumor dhe një dreke në qetësinë e natyrës marrim rrugën e kthimit për në Koman duke u përshëndetur me këtë grup të folkut që ia shton bukurinë udhëtimit në Alpe.
Komente
Sigurisht qe eshte nje vend magjik por varkat qe te cojne aty jane skandaloze ne drejtim te sigurise.
Përgjigju