Cole Palmer është bërë shumë shpejt një nga lojtarët më të mirë të Chelseat që prej transferimit të tij nga Manchester City, duke bërë paraqitje të jashtëzakonshme që e kanë bërë atë një figurë kyçe në formacionin e Bluve.
Forma e tij e qëndrueshme, e kombinuar me statistika mbresëlënëse në gola dhe asistime, jo vetëm që e ka 'çimentuar' vendin e tij në 'Stamford Bridge', por edhe ka tërhequr vëmendjen e Real Madridit.
Kështu bën me dije Fichajes, transmetuar edhe nga BBC. Presidenti i Real Madridit, Florentino Perez është i interesuar për një lëvizje ambicioze për mesfushorin 21-vjeçar.
Perez thuhet se e vlerëson shumë Palmerin dhe e sheh atë si një aset të mundshëm në të ardhmen për 'Los Blancos'. Megjithatë, ndërsa interesi i Madridit nënvizon statusin në rritje të Palmerit në futbollin botëror, perspektiva e një lëvizjeje duket 'jashtëzakonisht e pamundur'.
Chelsea thuhet se nuk është i gatshëm të pranojë ndonjë ofertë për Palmer, i cili është nën një kontratë afatgjatë me klubin.
Komente
