Receta

Gulash me mish viçi e perime nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Qershor, 11:56| Përditesimi: 5 Qershor, 11:57

  • Share

Gulash me mish viçi dhe perime

Përbërësit:

  • 700 gr mish viçi
  • 2 qepë të mëdha
  • 3 thelpinj hudhër
  • 2 karrota
  • 2-3 patate mesatare
  • 1 lugë salcë domatesh
  • 1 lugë miell
  • 500 ml lëng mishi ose ujë
  • 150 ml verë e kuqe (opsionale)
  • 2 degë rozmarinë e freskët
  • 2-3 gjethe dafine
  • Vaj ulliri ose gjalpë
  • Kripë, piper i zi, trumzë

Përgatitja:

Në një tenxhere të thellë kaurdisim mishin e prerë në kube të mëdha me vaj ulliri derisa të marrë ngjyrë nga të gjitha anët. E largojmë mishin dhe në të njëjtin yndyrë, kaurdisim qepën dhe hudhrën derisa të zbuten. Shtojmë miellin dhe e përziejmë derisa të marrë ngjyrë të lehtë. Më pas shtojmë salcën e domates dhe verën. E lëmë të vlojë për pak minuta. Shtojmë mishin, lëngun e mishit (ose ujë), karrotat dhe patatet. Hedhim rozmarinën, dafinën dhe trumzën. E mbulojmë dhe e lëmë të ziejë në temperaturë të ulët për 2 orë, derisa mishi të jetë i butë dhe lëngu i trashur. Rregullojmë në fund shijen me kripë e piper dhe e shërbejmë të ngrohtë me bukë të thekur, pure patatesh ose oriz.

MC/ReportTv.al
Komento

Komente

  • Sondazhi i ditës:

    Si e vlerësoni vendimin për rinumërimin e kutive të Qarkut Tiranë?