Presidenti i Republikës Ilir Meta nëpërmjet një postimi në faqen zyrtare në 'facebook' ka zbuluar dhuratën që ka marrë ditën e djeshme nga Myftiu i Shkodrës, Imam Muhamed B. Sytari. Ky i fundit i ka dhuruar presidentit një foto nga rihapja e Xhamisë së Plumbit në Shkodër, e rihapur 30 vite më parë pas mbylljes nga komunistët.
"Shumë i lumtur që në këtë vit jubilar të 30-vjetorit të rikthimit të lirisë fetare, të merrja dje dhuratë një foto nga rihapja në 16 nëntor 1990, të Xhamisë së Plumbit në Shkodër.
2169 faltore, pjesë e trashëgimisë kulturore dhe historike të vendit u shkatërruan nga barbaria e diktaturës komuniste. Dhjetra klerikë u martirizuan, u burgosën dhe u internuan.
Por siç me të drejtë thotë edhe Myftiu i Shkodrës, Imam Muhamed B. Sytari: "Gurët dhe muret i shembën, por shpirtrat jo,"-shkruan Meta.
