Banorët e fisit Maja jetojnë në Borizanë prej vitesh dhe kanë vite që jetojnë me këtë problematikë.
Banesat e tyre janë 200 metra në vijë ajrore me guroren në pronësi të Përparim Rrahjes, kushëririt të deputetit socialist Ramazan Rrahja.
Shpërthimet me dinamit që përdoren për të nxjerrë gurë po u shkatërrojnë shtëpitë dalë nga dalë.
Edhe pse janë ankuar disa herë nuk kanë gjetur zgjidhje dhe dje donin që ta zgjidhnin problemin si shqiptarçe. Duke u ulur në tavolinë me inxhinierin e gurores për ti thënë që të bënte shpërthime të kontrolluara.
“Po i thonim bëj mina të kontrolluara se na kanë plasur të gjitha shtëpitë na kanë dëmtuar’ tregon Jashar Maja në një prononcim për Report TV.
Por nuk është vetëm banesa e Jasharit dhe e Bilbilit, viktimat e dhunës së fisit Maja që janë dëmtuar
Të pyetur banorët janë shprehur se shtëpitë e tyra kanë të çara, kjo situatë ka dhjetë vite që është kthyer në një shqetësim për ta.
“Thamë se u hap toka”- tregon një grua ndërsa na fton të hyjmë në shtëpi ku tregon dhe dëmet.
Mbrëmë kanë qenë shpërthimet e fundit.
“Ka shumë shpërthime të fuqishme! Thamë s u trondit vendi u hap toka mendova se është tërmet por ishin mina!
"Sa i patëm rregulluar dhe suvatuar u shkatërruan prapë!”- shprehet gruaja.
Pak kohe më parë banorët e kësaj zone janë ngritur në protestë pasi gurorja po shkatërronte shtepitë e tyre.
Ndërkohe në një intervistë për Report TV, Lulzim Maja deklaroi se gurorja nuk kishte ndaluar së punuari as sot. Edhe Report TV solli pamje ku tregonin se shpërthimet vijonin.
Komente
A ka shtet.... O shtet a je ne zhum o tij....
PërgjigjuMos humbni kohe me protesta e ankesa,nuk ua var kush dhe kuptohet pse,as /shqiptarce/ mos u perpiqni,sepse te gjitha /sqarimet shqiptarce/perfundojne ose me plumb,ose me dru,si ne rastin konkret.Hidhini ne gjyq,hidhini ne gjyq per demet dhe per zhurmen,se dhe ajo eshte e demshme dhe e rrezikshme,hidhini ne gjyq Rrahjat,por dhe ata qe u kane dhene leje per shfrytezim guroreje e perdorim dinamiti kaq afer fshatit,hidhini ne gjyq jo vetem penal per rrahje e kercenim,por dhe gjyq civil per te gjitha demet ne shtepi e ato shpirterore per tronditjen qe ju sjellin e te paguajne cdo qindarke demshperblim,hidhini ne gjyq qe t'ju hiqni te drejten e shfrytezimit te gurores per te gjitha shkeljet qe kane bere! Por mblidhuni bashke e hidhini ne gjyq si fshat i tere,jo te vecuar se nuk keni shans te fitoni.
Përgjigju