Në Kurjan të Roskovecit, duhani dikur ishte kultura më e rëndësishme bujqësore. Parcelat mbulonin mbi 200 hektarë dhe prodhimi vjetor shkonte ne 3000 kv. Pas viteve ’90, gradualisht sipërfaqja u tkurr dhe sot traditën e ruan vetëm Novruz Kuka.
Fermerin e gjejmë duke tharë duhanin e sapovjelë, teksa na tregon se ky është viti me prodhimin më të dobët, në më shumë se tre dekada. Prodhimi i sivjetshëm arrin në 2 tonë e gjysmë krahasuar me 4 tonë qe mori sezonin e kaluar.
“Në realitet, ka ardhur në rënie nga viti në vit kultivimi i duhanit. Nga vitet që prodhim nga 200-300 kv, kam arritur 20-3 ton. Sivjet është viti më i dobët, vetëm burrë e grua nuk ka më fuqi punëtore. Edhe çmimi deri diku nuk ka qenë keq, 5-6 mijë, por duhet të jetë më i lartë, se ka shumë punë duhani”, thotë Kuka.
Shkaqet e rënies se prodhimit janë të shumta, si mungesa e politikave mbështetëse nga shteti, mungesa e kontratave të sigurta me kompani grumbulluese, vështirësia për të gjetur punëtorë por edhe kostot e larta të prodhimit.
“Procesi është i vështirë që nga rritja e farishtes, mbjellja prashitja, vjelja tharja. Por nuk ka punëtorë. Tani nuk ka fuqi punëtore, Habiten kur themi që bëjmë 2 ton e gjysmë burrë e grua, thonë si ja dilni”, shprehet fermeri.
Çmimi i shitjes me shumice është 5-6 euro për kilogram, sipas cilësisë, dhe shkon kryesisht për eksport ne Greqi.
Edhe pse disa fermerë të tjerë shfaqën interes për ta rikthyer kultivimin e duhanit, pasiguria i ka detyruar të tërhiqen.
“Këtu duhet një ndërhyrje nga shteti. Pse të mos kemi markën tonë të cigares si në kohën e monizmit, kishte Shkëlzeni, Partizani, DS”, thekson ai.
Nga një industri që siguronte qindra vende pune, sot duhani është lënë në harresë dhe vendi ynë ende nuk ka një markë të vetën.
Komente
Nese prodhojne puro cigare per turizmin elitar made in Albania pra cigar /puro do ishte nje fitim marramendes dhe rritje cilesie per turizmin Vendas
Përgjigju