Mark Frroku, vëllai i biznesmenit Arben Frroku, e quan vënie të drejtësisë në vend, vendimin e Gjykatës së Apelit për të Drejtat e Njeriut në Hagë, që refuzoi ekstradimin e vëllait të tij në Shqipëri.
Argumenti i Gjykatës ishte se i rrezikohet jeta në Shqipëri, pasi vendimi me burgim të përjetshëm dhënë nga Gjykata e Apelit për Krime të Rënda, është dhënë mbi arsye politike.
"Ky vendim do të thotë që drejtësia u vu në vend, pavarësisht sulmeve politike, urisë për koka turku dhe etjes për të patur pushtet mbi kurrizin e të pafajshmëve", tha Mark Frroku në një prononcim për Report Tv.
Gjykata e Hagës vendosi këtë të martë ë favor të Frrokut, pas ankimimit që Arben Frroku i kishte bërë vendimin të Gjykatës së Shkallës së parë Holandeze, shtet ku u arrestua me dokumente false greke. Arben Frroku akuzohet për vrasjen e kryekomisarit të Kombinatit Dritan Dajti në shkurt të vitit 2013. Ai mori pafajësi nga Shkalla e Parë kohë ku u largua nga Shqipëria nëpërmjet Malit të Zi, por më tej Gjykata e Apelit për Krime të Rënda dha dënimin me burgim të përjetshëm, kohë kur Frroku u shpall në kërkim nga autoritetet.
Komente
Robt ku ti keni PLEHRA.. Shqipëria ska për tu bërë kurrën e kurrës Shtet. Ikni Shqiptar ikni sa më larg nga ai vënd flam..
Përgjigju